Le campus agricole de Borgo équipé d'un nouvel internat
U campus agriculu di u Borgu, ind’iddi si trovani u liceu è u CFA agriculi, hà inauguratu ufficialmenti u so internatu novu, uni pochi di mesa dopu à a so apartura.
Hè custatu un milionu è 200 000 auri, intigralmenti pagati da a CdC.
I 34 piazzi ch’iddu pruponi venini à aghjustà si à i 70 di l’anziani internatu.
Hè statu fattu da risponda à un veru bisognu, chì sò parichji l’elevi à vulè ci stà.
Steti à senta à Antonia Luciani, a cunsigliera esecutiva in carica di i cartulari di l’aducazioni.
U campus agriculu si voli dinamicu sempri di più.
70 % di l’elevi sò d’una famidda d’agricultori. In francia inveci, a media ùn franca i 5 %.
I so varii furmazioni, à parta si da a siconda tecnulogica, t’ani u successu, ch’iddu si tratti di dirizzioni d’una impresa agricula o d’accuncera di paisaghja.
Steti à senta à Stéphane Raguenet, chì n’hè u dirittori.