Le budget et le parc marin du Cap Corse au cœur de débats fournis à Bastia
(A redazzioni d'Alta Frequenza) - C'hè statu un dibattitu bughjettariu doppiu ssu marti in Bastia. Dopu à quillu di a Cumunità d'Agglumerazioni di Bastia a mani, hè quillu di a cità di Bastia chì hè statu prisintatu à u votu u dopu meziornu. Ssu bughjettu, chì hà racoltu l'unanimità di a maghjurità è i voti contru di i gruppi di Jean Zuccarelli, Francis Riolacci è di i cumpagni di François Tatti - ss'ultimu ùn era micca prisenti duranti a seenza - hè di 64,3 millioni d'auri pà a so parti principali, 49,9 millioni essendu cunsacrati à u funziunamentu è 19,2 millioni d'auri à l'investimentu. Ci sò pà ss'investimentu 4,1 millioni d'auri pà sminuiscia u debbitu, chì passarà cusì da 43 millioni d'auri à 37,9 millioni, cù pà cumplittà ecunumia d'insemi. Un bughjettu prudenti senza passà pà l'imprestitu è senza crescia l'impositi. Altru cartulari, quillu di u parcu marinu di Capicorsu. S'è u principiu di a vulintà d'adesioni à ssu parcu hè statu vutatu, l'affari s'hè fattu quì dinò cù i voti contru di l'uppusizioni, chì hà tiratu à balli rossi nant'à i cundizioni di prisintazioni di u raportu è a minaccia ch'ellu raprisintaria pà u prughjettu di u portu di a Carbonita.
Steti à senta à Pierre Savelli, u merri di Bastia.
Sur le même sujet
