LDH et Ligue contre le Cancer unis contre la hausse du prix des traitements
(A redazzioni d'Alta Frequenza) - Curà u so cancaru ùn devi micca divintà un privilegiu o un pesu finanziariu. Eccu u missaghju chjaru ch'elli ani vulsutu fà passà a Liga di i Diritti di l'Omu è a Liga contr'à u Cancaru duranti una cunfarenza di stampa cumuna. In fatti, i laburatorii, soli à dicida di i prezzi di ssi trattamenti, andariani troppu luntanu nant'à u prezzu di certi trattamenti, ciò chì faci chì a securità suciali, in certi casi, priurizeghja certi pazienti di pettu ad altri, in u quadru di trattamenti assai cari, com'è quillu chì pò parmetta à u più di guariscia di manera tutali di l'epatita C, ancu s'è cuncirnendu quissu quì, a situazioni hè turnata nurmali. A Liga contr'à u Cancaru, in associu cù a LDH, hà lanciatu una petizioni nant'à u sughjettu, è i dui entità volini purtà u sughjettu fin'è l'Assemblea di Corsica.
Steti à senta à Marc Germain, presidenti di a Liga contr'à u Cancaru in Corsica Suprana, chì ci parla dinò di a lotta contr'à u tabaccu.
Sur le même sujet
