Le Direct

Laurent Marcangeli : c'est reparti !

(A redazzioni d'Alta Frequenza) - Terza cunfarenza di stampa stamani (marti), com'è una riintrata pà Laurent Marcangeli. U diputatu d'Aiacciu hà rilanciatu ind'i fatti a so campagna eletturali prisintendu, duranti ssa cunfarenza di stampa, a so visioni nant'à a cità è u so ambienti naturali: u tarritoriu di a CAPA è aldilà u Paesi Aiaccinu sanu sanu. Parchì d'appressu à ellu hè unu di i fiaschi i più putenti di a mandatura attuali: a capitali righjunali, chì n'hà solu u nomu, ferma sarrata nant'à ella stessa è ùn hà micca apprufittatu, com'è a cuminità bastiaccia, di u sviluppu ch'ella pudaria aspittà. D'appressu à Laurent Marcangeli, Aiacciu ghjira u spinu à a mità di i so lochi di vita vicini cù ben intesu tutti i cunsiquenzi pulitichi chì sò liati.

Steti à senta à Laurent Marcangeli.