Langue corse : l'Exécutif persiste
(A redazzioni d'Alta Frequenza) - Quandu un elettu pighja a parolla davanti à l'Assemblea di Corsica, devi parlà in francesi ! Eccu a pusizioni di Nicolas Sarkozy, candidatu à a primaria di a diritta è di u centru in visita nant'à l'isula pà dui ghjorni. S'è pà l'anzianu Presidenti, a lingua di a Republica ferma u francesi più cà mai, a lingua corsa ùn devi micca micca rimpiazzà ss'ultima, ma firmà piuttostu viva è parlata. Pà sbuccacci, un statutu di cuufficialità ? À ssa dumanda, Nicolas Sarkozy rispondi innò di sicuru, battendu piuttostu à prò di un "statutu di lingua prutetta" micca chjaru. Pà u cunsighjeru esecutivu in carica di a lingua corsa, Saveriu Luciani, senza cuufficialità, ùn ci sarà suluzioni, ed hè un affari chì ùn pò essa neguziatu.
Steti à senta à Saveriu Luciani.
Sur le même sujet
