Lancement des Assises Nationales de la Biodiversité à Ajaccio
(A redazzioni d'Alta Frequenza) - Principiu ssu marcuri da mani in Aiacciu è pà trè ghjorni di l'Assisi Naziunali di a Biodiversità in u Palazzu di i Cungressi. Una 7esima edizioni cuurganizata da a Cullittività tarrituriali di Corsica, chì adunisci una mansa d'attori chì si battini in metropola è in oltrimari pà pudè prumova è salvà a biodiversità da fà ch'ella ùn cuntinuessi micca à distrughjasi. A Corsica accogli dunqua ss'appuntamentu maiò è si prisenta com'è un tarritoriu di prima trinca in materia di sviluppu eculogicu è d'eccellenza ambientali. Assisi sustinuti da l'Agenza Francesi pà a Biodiversità, chì hè dinò u "bracciu armatu" di tutti i parsoni chì volini luttà pà a salvezza di a biodiversità.
Steti à senta à Philippe Martin, u presidenti di l'Agenza Francesi pà a Biodiversità è anzianu ministru di l'Eculugia trà lugliu 2013 è marzu 2014.
Sur le même sujet
