Lancement ce mercredi à Aiacciu de l'application Sauv Life
Marcuri in Aiacciu hè stata prisintata l’appiicazioni Sauv Life.
Hè gratisi, è pò ghjuvà à salvà una parsona chì u so cori hè in traccia di firmà si, postu chì à ugni parsona chì t’hà st’arnesu, li si faci sapè s’iddu ci hè un bisognu vicinu ad idda, da porghja aiutu. Issa cuurdinazioni lli succorsi, a faci u SAMU.
Iss’appiicazioni pò essa à veru una campa pà issi paesa è campagni, chì i succorsi ci mettini u tempu à ghjunghja ci.
I spiicazioni d’Andrée Mori, di u SAMU 2A.
A Prutizzioni Civili lla Corsica faci a furmazioni di i binivulanti chì pudariani intarvena, arrimbendu si à issa tecnologia nova, par circà à salvà l’aienti.
Ghjovi, piazza di l’Olmu in Aiacciu, i salvadori ani fattu uni pochi di dimustrazioni.
Issa ghjurnata, a ci prisenta Marie-Ange Perny, infirmieri è binivulanti à a Prutizzioni Civili lla Corsica
A CAPA susteni di manera attiva a missa in anda di l’appiicazioni Sauv Life.
Dici Charly Voglimacci chì l’impegnu citadinu hè di prima impurtanza par ciò chì tocca à u succorsu : ch’iddu si parli di succorsu à a parsona o di privinzioni di i foca, ugni impegnu conta.
Steti à senta à Charly Voglimacci
Sur le même sujet
