La violence est montée d'un cran ce week-end sur le port de Toga (Haute-Corse)
(A ridazzioni d'Alta Frequenza) - Ùn hè ancu à calmà si, a viulenza à nantu à u portu di Toga, in Bastia. Sabbatu sera, versu 11 ori è mezu, ci hè statu una baruffa chì si hè finita à cultiddati è cartucciati, vicinu à u bar « Le Nautile ». Dui ambulanzi sò ghjunti supra à locu, da piddà in carica dui ghjovani di 19 è 29 anni, ferti bè. Unu hè statu toccu da una badda in pettu, è hè statu uparatu duminica. L’altru hà leccu d’una cultiddata in corpu. Ùn ci hè piriculu vitali pà issi dui parsoni. Un terzu feritu s'hè dichjaratu piu tardu ssa dumenica. U portu hè statu subbitu sicurizatu da i forzi di l’ordini. Una inchiesta pà « viulenzi vulintarii in riunioni è cù armi » hè stata aparta da a prucuratrici lla ripublica di Bastia, Caroline Tharot. Par avali, ottu parsoni sò in guardia à vista, par ciò chì pari essa una baruffa di famidda. Issa baruffa hè successa trè sittimani dopu à parichji altri, in u stessu circondu, è l’annunzia fatta d’un rinfurzamentu di l’effettivi lla pulizza à nantu à u portu
Sur le même sujet
