La statue de Napoléon Premier consul a été retirée de son socle à Ajaccio, afin d'être restaurée
Marcuri matina in Aiacciu, a statula di Napulionu Primu Consulu, vistutu à a moda rumana, hè stata livata da u so pedistallu, da pudè ni fà a risturazioni.
Fatta da Francesco Massimiliano Laboureur, alta dui metra è sittanta, hè sposta in Piazza d’Olmu, di punta à a mirria, dipoi u cinqui di maghju di u 1850, ghjornu di a so inaugurazioni.
Marcuri dunqua, un arganu l’hà livata da u so pedistallu accintu à quattru liona chì stuppani acqua. A statula di marmaru, hè stata dannighjata da u tempu è u mari vicinu, è ancu da uni pochi di turisti mezi briachi, in u 2008 : era statu ruttu tandu u timonu ch’iddu tinia in manu Napulionu.
L’uparazioni, chì hà da custà più d’un mezu milionu, hè finanzata da u statu, da a cità è da a fundazioni pà a salvezza di l’arti francesa.
Sur le même sujet
