La sous-préfecture de Corte cible de tirs d'arme à feu dans la nuit
In a notti da marti à marcuri, versu mezanotti, ani tiratu à nantu à i muri lla suttiprifittura di Corti.
In un cumunicatu, ind’iddu si parla « d’una parsona » ch’avaria tiratu, françois ravier, u prifettu llu Cismonti, dici « ch’iddu hè indignatu à veru di pettu à issu gestu gravissimu, chì hà missu in piriculu l’agenti è i so famiddi ».
U prifettu lla Corsica, iddu, cundanna di manera ferma iss’attintatu è porta u so sustegnu à u suttiprifettu di Corti, à a so famidda è à l’agenti lla suttiprifittura.
A pracura di Bastia hà pricisatu chì certi tiri ani tassiddatu un vetru par finiscia in unu scagnu.
Dici u prucuratori arnaud viornery chì, vista a gravità di l’affari, a sizzioni di ricirca lla Corsica è a brigata di ricirca di Corti sò stati scelti da purtà a inchiesta, aparta à muvitu di danni parvia di matiriala piriculosi pà i parsoni.
Un dilittu di quissi pò valè sinu à 10 anni di prighjunia.
