La saison 9 de C'est le Foot commence ce soir sur Alta Frequenza
(A redazzioni d'Alta Frequenza) - A staghjoni 9 di C'est le Foot cumencia oghji (luni) nant'à Alta Frequenza. Tutti i luni, da 7 ori à 8 ori di sera, Frédéric Bertocchini, Battì Gentili, Julien Pernici è Pierre Mariotti vi parlani di ballò cù iss'appuntamentu oramai famosu nant'à Alta Frequenza. Intarvisti, dibattiti, scontri, cù ghjucadori, allenatori, presidenti di clubs, arbitri è ancu sustenidori, hè tutti i luni nant'à Alta Frequenza. Tutta l'annata, si parlarà di u SC Bastia, di l'AC Aiacciu, di u GFC Aiacciu, di u CA Bastia, di u FC Calvi, è di tutti issi clubs chì facini u ballò corsu amatori. Luni... Ma dinò u marti oramai. In fatti, u marti, C'est le Foot hè di ritornu, sempri trà 7 ori è 8 ori di sera, stavolta quì cù Michaël Andreani è i so invitati. C'est le Foot, hè oramai ballò DUI VOLTI di più, cù DUI appuntamenti nant'à Alta Frequenza. U primu appuntamentu hè dunqua pà stasera, à partasi di 7 ori pà a prima di issa staghjoni 9.
