La réforme constitutionnelle et la construction d’un nouveau statut : qu'en pense la LDH
(A ridazzioni d'Alta Frequenza) - A Liga lli Dritti di l’Omu hà fattu a so riintruta pulitica, andendu à scuntrà a prifetta lla Corsica. In una discursata chì hè andata da palu in frasca, a Liga è a riprisintenti llu statu ani parlatu di tutti i sughjetti, ancu di quiddi chì diranghjani, in una Corsica chì si trova oramai à un crucivia, cù i novi forzi pulitichi à u puteri. Piazza pricisa di u statu in Corsica, prighjuneri pulitichi, rifughjati, disfunziunamentu di parichji sirvizia... Tutti issi punti portani à dibattiti è forti cuntrasti.A riforma custituziunali è a custruzzioni d’un statutu novu sò d’issi pinsera maiori, in a sucità corsa d’oghji, com’idda si hè vista iss’ultimi mesa.
Stemu à senta à André Paccou, pà issi punti di primura.
