La problématique de l'agriculture au centre des débats de l'Assemblée de Corse
(A redazzioni d'Alta Frequenza) - A prima sissioni 2012 di l'Assemblea di Corsica, qualificata di strasurdinaria, s'hè fatta finalmenti in una sola ghjurnata è s'hè dunqua compia arisera tardi (ghjovi). Aldilà di i quistioni urali è di a presa di pusizioni ardita di Paulu Giacobbi nant'à i prublemi di Air France, u cartulari maiò di u ghjornu era custituitu di tutta a prublematica posta da l'agricultura in Corsica. Bisognu à dì i cartulari parchì chì l'assemblea avia à prununzià si nant'à l'elaburazioni di un schema d'accumpagnamentu pasturali, nant'à a criazioni di un fondu di guaranzia è di un dispusitivu d'imprestiti pà i ghjovani agricultori, è ancu di più difficiuli, nant'à a futura pulitica agricula cumuna. Aldilà di a tennicità di cartulari simuli, d'accessu faciuli solu pà i sperti, emi vulsutu sapè s'è tutti issi piani, tutti issi misuri, pudiani veramenti metta l'agricultura corsa nant'à a via di u rinnovu. Elementi di risposta cù Anghjulu Santini, ecchisi presidenti di l'Esecutivu di Corsica chì cunnosci ben intesa assai bè tutti issi quistioni.
Écoutez le
