La Poste: le conflit s'enlise à Ajaccio
(A redazzioni d'Alta Frequenza) - I salariati di u scagnu di distribuzioni di La Poste pà a Cità d'Aiacciu sò in greva illimitata dipoi una sittimana. Rammintemi chì ssu scagnu assicureghja a distribuzioni in tutta a cità, fora di a so periferia. I grevisti sò soprattuttu contr'à i suppressioni d'impiechi imposti da a Direzzioni di La Poste ind'u quadru di una nova riurganisazioni. Dopu à una sittimana di cunflittu, a CGT, à l'urighjini di ssu muvimentu, dumanda d'apra torna veri neguziazioni. Hè in ssu sensu chì una dilegazioni hà dumandatu à essa ricivuta ssu marti da mani in prifittura di rughjoni in Aiacciu, da u so secretariu ghjinirali par essa più pricisu, Blaise Gourtay. Dopu à ssu scontru, u sindicatu, annant'à a pruposta di ss'ultimu, hà accittatu una mediazioni sottu à u cuntrollu di l'Ispizzioni di u Travaghju ind'u quadru di ssu cunflittu, una mediazioni ricusata da u direttori righjunali di La Poste. I salariati, di più in più numarosi à fà greva d'appressu u sindicatu, cù solu un terzu di i turnati assicuratu, ùn volini cappià nulla, com'ellu a ci dici Jean Marie Mattei, secretariu dipartimintali CGT La Poste è Telecumunicazioni.
Steti à senta à Jean Marie Mattei.
Sur le même sujet
