La Poste: grève illimitée au bureau de distribution Ajaccio Ville
(A redazzioni d'Alta Frequenza) - I salariati di u scagnu di distribuzioni di La Poste pà a Cità d'Aiacciu ani principiatu ssu marti una greva illimitata; un muvimentu suvitatu d'appressu a CGT da 80% di l'impiegati (40% d'appressu a direzzioni) di ssu scagnu chì assicureghja a distribuzioni in tutta a cità, fora di a so periferia. I grevisti sò soprattuttu contr'à i suppressioni d'impiechi imposti da a Direzzioni di La Poste ind'u quadru di una nova riurganisazioni. I lettari à parta da ssu famosu scagnu stamani sò stati pochi è i difficultà pudariani crescia di più in più s'è a direzzioni ùn voli micca senta i rivindicazioni di i parsunali, dici a CGT. L'impiegati, chì dumandani u sustegnu di a pupulazioni è di l'eletti lucali sò inchieti pà i so cundizioni di travaghju, è i cunsiquenzi chì ssa nova riurganisazioni pudaria inghjinnà contr'à u serviziu publicu.
Steti à senta à Jean Marie Mattei, secretariu dipartimintali CGT La Poste è Telecumunicazioni.
Sur le même sujet
