La pollution de l'air à Bastia est multipliée par 37 quand des ferries arrivent ou partent du port
(A Ridazzioni d'Alta Frequenza) - A fidirazioni francesa di l’associ di prutizzioni di a natura è di l’embiu, France Nature Environnement, hà publicatu, oghji, i risultati d’una inchiesta chì tratta di l’impistera di l’aria parvia di i navi. È, pà a Fidirazioni, a Corsica hè tocca è bè ! I risultata facini veda chì l’impistera hè 37 volti più forti in Bastia, quand’iddi partini o ghjunghjini, in portu, i battella. Vali à dì chì i rusgiuli minuti sò 75000 à cintimitru cubu. Cù trè battella chì partini da u portu, trà setti è ott’ori di mani, issa purzioni cresci di manera trimendi. Quandì una navi hà presu vitezza, si tocca à i 100000 à cintimitru cubu, vali à dì 100 volti di più chè in cità, quandu navi ùn ci n’hè ! In Aiacciu dinò, i misuri impinsiriscini à veru ! A impistera, hè quidda di i navi di trasportu o di crucera, chì forsa si faci senta un pocu menu versu a Piazza Diamanti. Quand’idda parti una navi, sò 70000 i rusgiuli minuti à mantena si in l’aria, cinqui minuti à a fila. Ramintemu ch’in Auropa, 60000 parsoni morini, ugni annu, parvia di l’aria impistata da i trasporti marittimi.
Sur le même sujet
