La plage de l'Arinella à Bastia labélisée Handiplage
(A redazzioni d'Alta Frequenza) - Ssu ghjovi, l'associu Handiplage è a merria di Bastia ani fattu a spizzioni di i stallazioni di a piaghja di l'Arinella. Ssi stallazioni, pà i parsoni chì vedini a so mubilità ridutta, parmettini à ss'ultimi di pudè apprufittà di u mari in securità è cù un cunfortu massimu. Di fattu, piazzi di staziunamentu li sò riservati, chì i portani fin'è un caminu balisatu adattatu di manera sana à i futtogli, cù tappetti annant'à a rena pà pudè mova in futtogliu fin'è u postu di succorsu, induva i maestri nutadori salvadori di u SDIS assicureghjani una presa in carica pà pudè spiazzalli annant'à un futtogliu spicialmenti adattatu pà bagnassi. Stallazioni chì parmettini à a piaghja di l'Arinella di buscassi, com'è 58 altri piaghji francesi u label Handiplage. Annant'à quattru nivelli, a piaghja di l'Arinella hè classificata à u nivellu 2. Una prima suddisfazioni pà a municipalità chì voli ghjunghja à mezu andà à u nivellu 4.
Steti à senta à Leslie Pellegri, aghjunta à u merri in carica di i quistioni di u handicap chì volta dinò annant'à a pulitica di a cità in ssu duminiu quì.
Sur le même sujet
