La pandémie de la COVID-19 atteint un "point critique" dans le monde selon l'OMS
Hè inchieta l’Urganisazioni Mundiali lla Saluta : a pandemia di u Covid 19 saria ghjunta à un puntu criticu, è l’infizzioni crescini sempri di più, hà dittu mentri una cunfarenza di stampa Maria Van Kerkhove, a rispunsevuli tecnica lla lutta contru à u Covid.
Eppuri, à senta ni l’urganisazioni, piddendu i misuri boni, l’epidemia si pudaria amaistrà in pochi mesa.
Ad oghji, ùn sò chè 2,2 % lla pupulazioni mundiali ad avè avutu i so dui dosi di vaccinu. Si hè ancu rimarcatu ch’in i paesa chì a vaccinazioni hè avanzata bè, com’è in i Stati Uniti, ùn sò più tantu rispittati i gesti lla sicurità sanitaria.
Bruno Lina, membru llu Cunsigliu Scintificu francesu è virologu, dici chì « par ritruvà, in francia, a vita d’innanzi, ci vurria ch’iddi sichini vaccinati i 80 % lla pupulazioni llu paesu ».
Andeti vo’ à sapè chì chjoccu di campana scedda, cù iss’infurmazioni chì dicini è sdicini da un ghjornu à l’altru !
