La nouvelle version de la cartographie des ESA du PADDUC en débat à la Chambres des Territoires
Luni, in un emiciculu mezu viotu, a camara lli tarritoria hà datu un ochji à a nova cartugraffia lli spazii strategichi agriculi llu PADDUC, pruposta da l’esecutivu. Ramintemu chì a prima cartugraffia era stata annullata da a ghjuridizzioni amministrativa. Dopu à iss’annullazioni di marzu llu 2018, parichji spazii strategichi agriculi sò stati urbanizati. Si pudaria tandu pinsà chì certi eletti n’ani prufittatu.
In fin’ d’annata, sarà prisintatu à l’Assemblea di Corsica u raportu di l’esecutivu, da validà i novi cartugraffii ch’iddu pruponi. Ancu puri datu da un emiciculu mezu viotu, l’avvisu cunsultativu lla camara lli tarritoria hè pusitivu. C’erani sedici eletti prisenti, è quindici erani d’accunsentu cù a visioni di l’esecutivu, chì ricusa iss’urbanisazioni sfrinata.
Issa visioni, a ci prisenta
Gilles Simeoni, u prisidenti di l’Esecutivu.
U dibattitu, chì duvia essa tecnicu, si hè fattu puliticu, masimu dopu à l’interventu di Jocelyne Mattei-Fazi, a merri di Rennu.
A prisidenti di l’associu lli merra llu Pumonti si hè upposta à a visioni ch’iddu t’hà l’esecutivu di a prublimatica di i SSA. Par idda, issi Spazii Strategichi Agriculi affocani certi paesa è ni negani u sviluppu, com’è u PADDUC è tanti altri legi.
A stemu à senta.
Sur le même sujet
