La municipalité de Portivechju vote la majoration de 40% du taux d'imposition de la taxe d'habitation sur les résidences secondaires
Arimani, u cunsigliu municipali di Portivechju hà vutatu a crescita di 40 % di u tassulu d’impusizioni lla tassa d’abitazioni pà i risidenzi sicundarii.
L’affari hè statu vutatu à a maiurità, l’uppusizioni issendu si astinuta.
À senta ni a maiurità municipali, raghjoni à issu votu ci n’hè parichji :
- Portivechju hè cumpostu, à 62 %, à risidenzi sicundarii.
- Da u 2011 à u 2021, 85 % di l’alloghja custruiti sò stati risidenzi sicundarii.
- 1 036 abitanti di menu di 44 anni s’ani lasciatu a cumuna, pà u stessu periudu.
A cumuna hè stata dichjarata « zona tesa » da u dicretu di u 25 d’austu llu 2023, ciò chì li dà a pussibilità di prupona issa crescita.
Hà spiicatu a municipalità chì i incasci ani da essa rinvistiti à favori lla pruduzzioni di risidenzi principali, in u quadru di u pianu « Accasà si » !
Steti à senta à Jean-Christophe Angelini.
