La mobilisation des pêcheurs continue, Via Campagnola rejoint le mouvement
Si cuntinuvighja a mubilisazioni lli piscadori, chì mantenini u so blucchimu da cuntistà i prezza troppu alti di u carburanti, è supr’à tuttu u scartu cù i prezza visti pà issi franci.
A riunioni d’issu marcuri à sera, à cinqui ori in prifittura, ùn hà suluziunatu nienti par avali.
N’hè privista un’altra par ghjovi. Ma sò dicisi bè i piscadori, dindu chì l’auturità ani circatu à cunvincia li di lintà u blucchimu, ma ch’idd’ùn sarà sbluccatu nienti s’idd’ùn s’avanza à veru. Par fà veda ch’iddi erani quantunca di bona vulintà, i piscadori ani dicisu di lacà circulà i battella di petroliu è di gasu, a navi ch’arricaia l’ussigeniu in Lisula, è ani ancu sbluccatu u portu di Prupià.
Arimani, in primu dopu meziornu, aviani riduttu a circulazioni à a intruta llu portu d’Aiacciu. Iss’azzioni hè stata fatta liendu si à Via Campagnola, l’agricultori issendu ghjunti à a riscossa di i so cumpagni piscadori.
Steti à senta à Joseph Sanna, à nomu di u sindicatu di i piscadori corsi.
L’agricultori di Via Campagnola si sò dunqua liati à u muvimentu di i piscadori.
I raghjoni d’issa mubilisazioni, i vi spieca Jean-Dominique Musso.
Sur le même sujet
