La marche du souvenir et de l'espoir en hommage à Savannah ce 1er mai
(A ridazzioni d'Alta Frequenza) - Pà issu 1u di maghju, l’associu Savannah urganizighja « a marchja di u ricordu è di a spiranza », da renda umaghju à a ghjuvanetta, assassinata u 1u maghju llu 2016. Iss’accolta hè fatta da sustena è renda umaghju à ugni donna vittima di viulenzi. U ritrovu si farà à 10 ori, à u parcu di staziunamentu lli Sanguinarii. Una marchja hè dunqua privista, chì passarà pà u chjassu llu litturali è ghjunghjarà in Sevani, ind’iddi sarani posti un bancu russu è una placca cumimurativa. Da sustena l’associu, s’aspetta pà iss’uccasioni una participazioni di 5€. À chì participighja à iss’azzioni, l’hè cunsigliatu di purtà si un spuntinu.
Sur le même sujet
