La mairie de Calenzana plastiquée cette nuit en Haute-Corse
(A redazzioni d'Alta Frequenza) - Attentatu stanotti (da luni à marti) in Corsica Suprana. Hè a merria di Calinzana chì hè stata tocca. Una carica splusiva hè stata impustata à u pianu di u palazzu publicu, sicondu a prifettura, à u nivellu di u scagnu incaricatu di i quistioni d’urbanisimu. Vetri sò stati tocchi. I disguasti sò pochi. I sminadori si sò resi sopralocu da virificà chì ùn c’era micca un’antra carica prisenti. I primi investigazioni sò in corsu da determinà frà altru l’urighjini di quilla chì hà splusatu.
