La lycéenne MAIF RUN, une course solidaire féminine inédite
(A redazzioni d'Alta Frequenza) - « La lycéenne MAIF RUN » : una corsa sulidaria feminili nova chì si farà in Aiacciu ssu marcuri l'8 di marzu. A direzzioni regiunali UNSS è i so partinarii invitani dunqua i ghjuvanetti trà 15 è 18 anni à sparta i valori di u sport è di a sulidarità. Ssa corsa hè aparta à i ghjovani licenziati UNSS, ma chì, pà l'uccasioni, pudarani invità i so amichi chì ùn ni facini micca parti pà corra à fiancu à elli. A prova principiarà à 1 ora, in u Centru di u Sport è di a Ghjuventù di Corsica, pà ssa ghjurnata didicata à i diritti di i donni. Aldilà di ss'animazioni spurtiva, stands d'infurmazioni sarani dinò tinuti nant'à temi com'è a cuntracizzioni, i sfarenti ricerchi di malatii o ancu l'accumpagnamentu versu l'impiegu o a piazza di a donna in a sucità. A "liceana d'Aiacciu" hè purtata dinò da dui parsoni famosi di prestigiu : Alizée è Priscilla Gneto.
Prisintazioni cù Jacques Kremer, u direttori regiunali di l'UNSS di Corsica.
Sur le même sujet
