La lutte contre la spéculation immobilière, dernier grand dossier de la mandature pour les députés Pè a Corsica
S’avvicina a fini di i mandata pà i diputati. Intantu, ferma à u gruppu « Libertés et Territoires » un’ultima uccasioni di fà si senta, issu vennari.
Trà i sei scritti pruposti à i diputati di l’assemblea francesa è prisintati iss’ultima duminicata in Bastia, ci hè una pruposta di legi chì tratta d’un’evuluzioni statutaria di a cullittività di Corsica, da pudè luttà contru à a spiculazioni.
Da ghjunghja ci, hè pruposta una spirimintazioni lighjislativa apprufundita pà issu particulari.
Issu cartulari, beddu impurtanti pà i trè diputati naziunalisti, veni in chjudenda lli so cinqui anni d’un mandatu chì hà ripresu fiatu cù a nascita di u gruppu..
Oghji, in u mentri chì « Femu a Corsica » è u PNC s’intazzani, pari ch’iddi sichini lacati da cantu i so diffarenzi, pà l’alizzioni lighjislativi.
Ci saria a pussibilità di un fronti unitu da sustena i trè diputata, dui di « Femu » è unu di u PNC.
Hè d’altrondi ciò ch’iddu spera Michel Castellani, u diputatu lla prima circuscrizzioni llu Cismonti.
