La liaison maritime Bonifacio-Santa Teresa di Gallura menacée de disparition
(A redazzioni d'Alta Frequenza) - Sariami in traccia di sciappà a leia dighjà abbastanza debbuli trà a Corsica è a Sardegna ? Hè a dumanda ch'elli si ponini l'agricultori, i piscadori è i traspurtadori chì ani bluccatu ssu luni u portu di cummerciu di Bunifaziu. In fatti, s'inchietani di a sparizioni pussibuli di a linea marittima Bunifaziu-Santa Teresa di Gallura rializata da a cumpagnia Saremar, chì hà da piantà a so attività u 31 di dicembri. Ssu luni, u merri di Bunifaziu, Jean Charles Orsucci è un'eletta di a cumuna di Santa Teresa di Gallura ani vulsutu sustena ss'azzioni pà u mantenimentu di ssa linea marittima. Pà u sindicatu di traspurtadori Strada Corsa, ssu mantenimentu hè impurtantissimu pà l'ecunumia di a Corsica è tocca à l'eletti di i dui isuli di truvà una suluzioni.
Steti à senta à Jacques Fieschi, pà Strada Corsa.
Sur le même sujet
