La Haute-Corse placée en vigilance sécheresse
Vennari, u cumitatu di a siccaghjina llu Cismonti si hè ritrovu in Lisula, in un rughjonu toccu è bè da a poca acqua.
Fatta issa riunioni, u prifettu llu Cismonti hà missu u dipartimentu in vighjulanza pà a siccaghjina, « tinindu contu di a situazioni idrica è di i scambii mentri l’ultimu cumitatu »
Issa dispusizioni ùn ghjova à riducia o limità l’usu di l’acqua, ma ghjova à infurmà è sinsibilizà prufiziunali, eletti è pupulazioni in casu di crisa, o par casu ch’idd’ùn sichi attarzata l’acqua. Permetti dinò d’essa attenti di più à l’indizii idrulogichi è idruclimatichi.
U prifettu dumanda à ugnunu d’essa attenti è civicu in a so cunsumazioni cutidiana, da ùn metta in piriculu i risorzi d’acqua.
Ci sarani azzioni d’infurmazioni è d’incitazioni à risparrà l’acqua, in tuttu u dipartimentu, è par tuttu’ugnunu.
Cù issi misuri, si circarà à riducia i presi in li cursi d’acqua, in i matrali è riservi, chì l’acqua ci voli à attarzà la, par casu ch’idda si faccia più dilicata a situazioni in certi loca llu dipartimentu. Sicondu com’idda viaghja a situazioni, issi misuri pudarani essa ripresi o cambiati ».
Sur le même sujet
