La Haute-Corse en proie aux flammes
(A redazzioni d'Alta Frequenza) - Dipoi arisera (marti) a Corsica Suprana hè a vittima di u focu, è i servizi di succorsu è di lotta contr'à i fochi sò mubilizati più cà mai. U focu d'Albertacce in Niolu, hà distruttu ramintemula più di 500 ettari, ma u sciffru esattu ùn hè ancu statu difinitu, è sò intarvinuti nantu fin'è meziornu mezi umani è aerei numarosi. Spignifochi è militari ùn ani micca pussutu rifiatà assai, postu chì dopu meziornu, dui fochi novi sò partuti in piaghja urientali. U prima, in Talasani, hà dighjà distruttu più di una centina d'ettari, è cinqui Canadair eppo dui Tracker chì agiscini sopralocu. U sicondu focu, vicinu à u prima, in Velone Urnetu, hà parcorsu una cinquantina d'ettari. Spignifochi ghjunti da a parti suttana di a Francia ma dinò di Corsica Suttana sò ghjunti in appoghju pà luttà contr'à i fiari. Da un'antra banda, sò più di una vintina di fochi chì hè stata arrighjistrata ssu marcuri dopu meziornu in u dipartimentu, spartuti trà u rughjonu bastiacciu, a piaghja urientali, u curtinesi o a Balagna.
Sur le même sujet
