La Ghjuventù Indipendentista appelle à manifester ce mercredi à 14 heures à Corte
(A redazzioni d'Alta Frequenza) - Mubilisazioni stamani (marti) davanti u liceu di u Fangu in Bastia, à a chjama di a Ghjuventù Indipendentista. I liceani s'erani aduniti davanti à u stabilimentu, à a vigilia di a manifistazioni urganizata dumani à 2 ori in Corti, partendu da a piazza Paoli, da i so cumpagni studienti di l'Università di Corsica. Una manifistazioni pà difenda cù forza i sfarenti voti maiò di l'assemblea di Corsica è dinunzià u blucchimi di u guvernu à ssu nivellu quì. Pà u presidenti di a Ghjuventù Indipendentista, hè impurtanti chì cartulari com'è quilli annant'à a cuufficialità di a lingua corsa, u statutu di residenti, u statutu fiscali dirugatoriu o ancu l'amnistia di i prighjuneri pulitichi sighini dinò difesi da a ghjuventù corsa. A mubilisazioni devi essa forti, di sempri, è purtata da tutti i parti di a sucità isulana, incalca Petru Vesperini, pà cuntinuà à firmà arritti davanti à u Statu.
Steti à senta à Petru Vesperini, u presidenti di a Ghjuventù Indipendentista.
