La fibre optique bientôt dans les foyers bastiais
(A redazzioni d'Alta Frequenza) - Ssu ghjovi duranti una cunfarenza di stampa hè stata prisintata a stallazioni di u serviziu di a fibra ottica, è dunqua d’internet ad alta vitezza, in Bastia è ind’a so agglumerazioni. Ssa reta di fibra ottica, rializata da l’uparatori SFR ma chì sarà aparta ancu à l’abbunati d’Orange, u casu cuntrariu hè prisenti in Aiacciu, hè in traccia d’essa rializata, è què fin’è u 2019 pà l’altri cumuni di a cumunità d’agglumerazioni di Bastia è a cumuna di Biguglia. Ma à partasi di a fin di l’annu, i primi casi sarani liati à Bastia, soprattuttu in Lupinu è in Montesoru. U numaru di casi à riceva ssa reta sarà di 2 200 pà u principiu, pà ghjunghja fin’è 8 000 à a fin di u 2014. Quandu ssa reta sarà compia, guasgi tutti i casi di a cumunità d’agglumerazioni è di Biguglia pudarani riceva a fibra. Una stallazioni è travaghji presi in carica di modu sanu da SFR, chì ùn hà micca vulsutu dà u sciffru esatti di i so spesi, ma pà quali Bastia sarà a prima cità di u polu Mediterraniu liata à una fibra rializata da l’uparatori.
On écoute Bernard Crozes, directeur régional de SFR Méditerranée.
Sur le même sujet
