La désertification médicale gagne du terrain en Corse, l'ARS publie les zonages d'aide à l'installation des médecins
Document ARS de Corse
L’Agenza Righjunali di a saluta hà publicatu l’arrestu di a spartera tarrituriali pà i medichi è i infirmieri libarali.
Via issu ducumentu, si poni idintificà i rughjoni di a Corsica chì sò tocchi di più da a disirtificazioni midicali.
L’affari hè à veru un pinseri, masimu in campagna, chì ci mancani i parsunala. Senza cuntà chì i medichi, sò più quiddi chì partini à a ritirata chè quiddi chì si stallani.
In u so cumunicatu, l’ARS pricisa chì « dopu à una cuncirtazioni allargata cù i riprisintenti di i prufiziunali lla saluta, di l’assicuranza malatia, di a cullittività di Corsica è di a cumissioni spicializata in l’ufferta di midicatura (…), una nova spartera tarrituriali hè stata dicisa à parta si da u primu di maghju llu 2023, pà i medichi è l’infirmieri tarrituriali ».
Issu ducumentu faci veda chì, cacciati i circondi aiaccini è bastiacci, tutti i rughjoni sò in difficultà à liveddu di a prisenza midicali.
I circondi i più tocchi, missi in russu à nantu à a carta publicata da l’ARS, sò u Capicorsu, u Sartinesu è u Vaddincu, u Centru di Corsica, a Piaghja à Liventi, u Niolu, u Taravu è l’Alta Rocca. A Balagna, a Casinca è u Fretu sò di culori arancinu, à nantu à issa carta.
Sur le même sujet
