La CTC tente de se sortir de l'ornière COFREMAR avec les socio-professionnels
(A redazzioni d'Alta Frequenza) - COFREMAR. Un nomu chì piatta un cartulari chì hà da custà caru à a Cullittività Tarrituriali di Corsica. In fatti, dopu à un raportu di a Camara Regiunali di i Conti, in u 2013, chì dinunziava u carattaru micca legali di u dispusitivu induva l’Uffiziu di i Trasporti dava à ssa sucità gistita à tempu da a SNCM è a CMN l’aiuti à u trasportu pà l’intrapresi isulani, è li dava rispunsabilità d’attribuzioni. Prublema, l’intrapresi cuncirnati ani cuntinuatu à includa in i so bughjetti l’aiuti COFREMAR mentri chì quissa quì ùn ni pudia più attribuiscia. Di fattu, sò trà 7 è 9 millioni d’auri di tafonu ind’i casci di parechji decini d’intrapresi isulani chì u Cunsighju Esecutivu hà da pruvà à culmà. Dopu una deliberazioni di l’Assemblea di Corsica in ssu sensu da quì à pocu, a CTC, chì hà privistu anch’ella in i so bughjetti ssi sommi, hà da mandatà un spertu ghjudiziariu pà pudè asaminà torna tutti ssi prublemi liati à a COFREMAR pà pudè virsà, à a fini di u prucedimentu, i famosi soldi à l’intrapresi.
I pricisioni di Ghjuvan Filici Acquaviva, u presidenti di l’Uffiziu di i Trasporti di a Corsica.
Sur le même sujet
