La CRESS, un enjeu économique
(A redazzioni d'Alta Frequenza) - A CRESS, pà quilli chì ùn cunnoscini micca a Camara regiunali di l'ecunumia suciali è sulidaria Corsica, hà inauguratu i so casali novi ssu marti da mani in Aiacciu. A CRESS chì ricevi oghji un'attinzioni propiu particulari da a parti di a CTC, hà integratu in fatti urganisimi numarosi di a Cullittività tarrituriali, t'hà com'è scopu di sviluppà un gennaru d'ecunumia chì hè appena in rumpitura cù i reguli di l'ecunumia in generali. Qualificata d'ecunumia alternativa o d'ecunumia di u povaru, si prisenta oghji com'è un veru mezu par escia da a crisa. Senza pussibilità di cambià di locu, l'impieghi ch'ella inghjenna parmettini d'inseriscia torna in a sucità citadini chì straziani pà integrà u mondu d'oghji. In Corsica, a CRESS raprisenta 15% di l'impiegu lucali è ùn hè ancu à compia, com'ellu a ci dici Ghjuvan Cristofanu Angelini, u presidenti di l'ADEC ; l'ADEC chì hè divintata un partinariu di prima trinca di ssu settori.
Steti à senta à Ghjuvan Cristofanu Angelini.
