La Cour d’Appel de Bastia confirme le non-lieu pour Paul Canarelli
(A redazzioni d'Alta Frequenza) - A Camara di Struzzioni di a Corti d'Appelu di Bastia hà cunfirmatu issu marcuri 23 di nuvembri l'abandonnu ghjinirali resu u 3 di maghju di u 2011 da u Tribunali di Grandi Istanza d'Aiacciu cuncirnendu tutti i lagnanzi posti contru à Paul Canarelli da Anne de Carbuccia. Ind'un cumunicatu, paul Canarelli si dichjara "filici di veda a so bona fedi ricunnisciuta di modu difinitivu ind'u quadru di una ghjustizia fendu di modu sirenu a so azzioni, malgradu l'accanimentu ghjuridicu è à l'isciuti mediatichi urchestrati di modu finu". Aghjusta , frà altru, chì "vistu i mutivazioni di iss'abandonnu ghjinirali, hè più cà mai cunfidenti pà ciò chì tocca à u sbuccà di l'altri prucessi in corsu nant'à u fondu", fendu cusì rifarenza à "l'affari" di a vendita è di a sfruttera di a Torri di Murtoli è di i so tarri agriculi à l'intornu. Paul Canarelli si riserva infini u dirittu di purtà "seguiti à l'incontru di prupositi è d'articuli diffamatorii è rapurtendu falsità, pussibuli di tuccà u so unori, ma dinò a maghjina è l'attività di u duminiu agrituristicu di Murtoli"
Sur le même sujet
