La cour administrative de Marseille donne raison à la Corsica Ferries
(A redazzioni d’Alta Frequenza) - A corti amministrativa di Marseghja dà raghjò à a Corsica Ferries. In fatti, hà annulatu a cunvenzioni di dilegazioni di serviziu chì leia a Cullettività Tarrituriali di Corsica à a SNCM è a Méridionale. Omu s’arricorda chì a Corsica Ferries avia postu una dumanda in ghjustizia in issu sensu, in u 2006. Ricusata ind’un prima tempu, a cumpagnia à battelli gialli hè isciuta vincitrici arimani (luni). A ghjustizia dumanda dunqua a piantata di a DSP è u lanciamentu di una nova dilegazioni à partasi da u 1a di sittembri di u 2012. A corti hà stimatu chì l’ufferta di prima custituia una viulazioni di i reguli aurupei nant’à u gennaru di navigazioni maritima. Pà Pierre Mattei, hè bella sicura a suddisfazioni. U direttori di a Corsica Ferries stima chì a ghjustizia hà ristabilitu a so cumpagnia ind’i so diritti, ricuniscendu chì a prima chjama d’ufferta avia fattu crescia di modu artificiali i ricetti futuri di a SNCM ; ublighendu di fattu, l’Uffiziu di i trasporti à cumpensà, infini, i sciffri di a rialità.
Explications avec Pierre Mattei, directeur de la Corsica Ferries.
Sur le même sujet
