La coupe de la Ligue de football va disparaître
A infurmazioni, a dà u ghjurnali L’Equipe. Marcuri matina, u cunsigliu d’amministrazioni lla Liga di u Ballò Prufiziunali hà vutatu a fini lla Cuppa lla Liga, è l’affari duvaria viaghjà pà à staghjoni à vena.
A infurmazioni, ci voli ben’intesa ch’idda sichi cunfirmata. Ma l’assemblea ginirali di a stituzioni hà validatu aghjà issa dicisioni.
Da rimpiazzà issa cumpitizioni, s’era pinsatu à dui altri mudelli. Pà u primu, l’idea era d’ùn fà ghjucà chè l’ottu primi lla Liga 1. Pà u sicondu, c’era l’idea di fà quattru gruppi righjunali. Ma ùn sò stati scelti issi pruposti, è Cuppa di a Liga ùn ci ni sarà più.
A quistioni, avali, issendu di sapè comu s’ani da sparta i solda ch’iddi tuccaiani i squadri chì participaiani à issa cumpitizioni, vali à dì i soli squadri prufiziunali. In Corsica, quist’annu, ùn erani chè i dui squadri Aiaccini à essa impignati in issa Cuppa. Ma, tremendui, ùn ani passatu u sicondu ghjiru.
Sur le même sujet
