Le Direct

La corsitude : un atout indéniable dans le cadre de l'éducation pour le recteur

(A redazzioni d'Alta Frequenza) - Ssu vennari, Michel Barat, u rettori di l'accademia di Corsica, urganizava a so cunfarenza di stampa tradiziunali di riintrata micca in Aiacciu com'è sempri, ma in Bastia, in u prima culleghju REP+ di Corsica, u culleghju San Ghjiseppu, chì duvaria essa suvitatu da u culleghju Arthur Giovoni in Aiacciu à a riintrata chì veni. L'uccasioni di filicitassi di l'appiecazioni senza troppu prublemi di a riforma di i ritimi sculari ind'u primariu, dui cumuni solu Figari è Pianottuli ùn prupunendu micca attività perisculari par avà rispittendu à tempu ssi novi ritimi, l'affari essendu pocu chjari dinò annant'à a manera di fà in Calvi. Dopu avè amintatu a prublematica di i ghjovani chì ùn cuntinueghjani micca i so studii dopu avè avutu un diplomu ind'u sicundariu, ciò chì cuncirnaria 400 sculari, Michel Barat hè vultatu annant'à a pulemica chì tocca u fattu d'ùn avè micca avutu scola ssu luni l'8 di sittembri, ghjornu di festa pà a maiò parti di a Corsica cù par asempiu a Santa di u Niolu. Certi ani rimpruvaratu, com'è in prima ligna l'Usservatoriu di a Laicità di Pruvenza, chì ssa dicisioni ùn rispittia micca ssu fundamentu republicanu, l'argumentu di cursitù datu da u rettori essendu cunsidaratu com'è s'ellu ùn asistia micca. Michel Barat insisti annant'à ssu fattu quì pà contu soiu.

Steti à senta à Michel Barat.