La Corse s'est enrichie, pas les corses !
(A redazzioni d'Alta Frequenza) - A Corsica ! A crescita ecunomica a più forti dipoi vint’anni ! Ssu titulu chì intruducia un studiu di l’INSEE diffusatu calchì ghjornu fà hà fattu nascia u bullori ind’i mezi socioecunomichi di l’isula. Sicondu l’urganisimu di studiu in fatti, a Corsica hè intruta dipoi parechji anni ind’un tempu di richjappu di u so PIB di pettu à a media naziunali ; era 22ima in u 1990, saria 14ima oghji, o piuttostu in u 2011. Ss’infurmazioni, chì avaria pussutu fà piacè à tutti quilli chì si primureghjani di l’avvena ecunomicu di ss’isula, hà inghjinnatu à u cuntrariu un soffiu di scuntintezza. A Corsica ferma è di manera larga inde l’ultimi rughjoni à u nivellu di u puteri di cumprà, è què par abitanti. Di modu chjaru, s’è a Corsica s’hè arricchita, ùn sò micca i corsi chì si sò arricchiti, eccu ciò ch’ellu hà vulsutu dì cù forza Jean Baptiste Pieri, chì hà participatu l’altru ghjornu à a manifistazioni di u cullittivu Dumane Da Fà.
U stemi à senta.
Sur le même sujet
