La Corse, première destination aérienne vendue en France selon MysterFly
À senta ni una inchiesta di u situ MisterFly (!) a Corsica saria a prima distinazioni aeriana vinduta in Francia !
Issu studiu, l’hà fattu u sicondu editori di biglietti d’avviò in francia, arrimbendu si à risirvazioni fatti trà u 1u è u 7 di ghjunghju 2020.
I quattru aeruporti lla Corsica facini più risirvazioni, pà issu principiu di ghjunghju, chè l’aeruporti parigini chì, di regula, ni facini 40 %.
L’aeruporti Charles de Gaulle è Orly ani lacatu a so prima piazza, è soca quissa sarà una cunsiquenza lla crisa llu COVID.
Incù 27 % di i risirvazioni, ghjustu davanti à parigi dunqua, a Corsica currispundaria, sicondu à issa inchiesta, à u bisognu ch’iddi t’ani i francesi di truvà loca cù una certa sicurità.
Sur le même sujet
