La Corse placée en vigilance jaune par Météo France aujourd'hui
(A redazzioni d'Alta Frequenza) - Attenti, a Corsica hè in vigilenza giallu oghji (luni) faci sapè Météo France, è què par via di u ventu. Ssa vigilenza giallu cuncerna l'isula sana fin'è 4 ori dopu meziornu. U ventu suffiarà torna forti dunqua oghji, nant'à u liturali soprattuttu. A Balagna è Capicorsu sò particularmenti tocchi, postu chì buffulati fin'è 130 chilometri à l'ora sò aspittati. Prudenza dinò in u rughjonu bastiacciu è in i Bocchi di Bunifaziu induva si pudaria cullà fin'è 90 chilometri à l'ora. Infini, bisognu à essa prudenti in mari postu chì u marosulu sarà abbastanza forti, cù altezzi trà 3 è 4 metri. U ventu duvaria essa più debbuli in fin di ghjurnata.
