La Corse et l'Europe : un défi majeur !
(A redazzioni d'Alta Frequenza) - A Corsica è l'Auropa : un inghjocu maiò ! S'è i menu cunvinti pudariani pinsà u cuntrariu, hè propiu u casu. In fatti, u pesu di i mezi aurupei hè assai impurtanti nant'à l'isula, raprisintendu, trà u 2014 è u 2020, 275 millioni d'auri : 125 millioni pà u sviluppu ecunomicu, l'impiegu è l'accunciamentu di u tarritoriu, più di 145 millioni pà l'agricultura, a furesta è u sviluppu rurali, è più di 5 millioni pà a pesca è l'acquacultura. Ssu marcuri, a cunsighjera esecutiva in carica di i quistioni aurupei, Marie Antoinette Maupertuis, hà prisintatu à l'Assemblea di Corsica un raportu nant'à l'avvena di a pulitica di cuesioni. A Cullittività di Corsica hà dicisu di participà à i riflessioni di u mumentu nant'à l'avvena di ssa pulitica di cuesioni aurupea 2020. È s'è i vulumi finanziari sò calati, a Corsica, com'è l'altri regioni, voli firmà mubilizata.
Steti à senta à Marie Antoinette Maupertuis.
Sur le même sujet
