La Corse en vigilance jaune orages ce vendredi après-midi
Vennari, da trè ori llu dopu meziornu sinu à ottu ori di sera à u minimu, Meteò france hà dittu chì a Corsica saria in vighjulanza giadda parvia di u risicu di scurruttoni.
L’acquati duvariani principià in Cismonti, à Liventi. L’attività elettrica duvaria essa impurtanti, è pudaria piova bè, è ancu grandinà à locu à locu.
Par casu ch’iddu durghi l’affari, si pudariani tuccà in pocu tempu i 40 o 50 millimitra d’acqua o ancu di più in bor’di mari, masimu in i circonda bastiacci.
Ùn si sà pricisamenti induva s’ani da cullucà issi scurruttoni, nè quantu ani da durà, ma si duvariani fà più forti à mari.
Parvia di a statina è di u mondu ch’avvinghji pà issi piaghji, u piriculu ci pò essa quantunca.
In sirintina, è di notti trà vennari è sabbatu, i scurruttoni, menu impurtanti, duvariani tuccà tuttu u dipartimentu. L’affari si duvaria appacià in fin’ di nuttata.
Sur le même sujet
