La Corse de l'intérieur sous la neige le temps d'un dimanche de janvier
(A redazzioni d'Alta Frequenza) - I nivati sò stati impurtanti in a nuttata trà sabbatu è dumenica eppo arimani dinò in a ghjurnata, cuprendu l’internu di a Corsica cù un mantellu biancu. Oghji, a foci di Vizzavona hè pruibita à i vitturi articulati. I vitturi lebbii è i camiò a poni francà solu cù l’arnesi spiciali. Cuncirnendu l’elettricità, a sola cumuna chì firmava senza currenti arisera à 9 ori era Ghisoni, cù 445 clienti EDF. Pà ciò chì tocca i trasporti sculari in Corsica Suprana, sò suspesi nant’à u dipartimentu, ma micca in Balagna, in Capicorsu è nant’à u liturali di a piaghja urientali da u rughjonu bastiacciu fin’è I Prunelli di Fium’Orbu.
Sur le même sujet
