La Communauté de Communes du Nebbiu Conca d'Oru dans l'impasse budgétaire
Calchì ghjornu fà, a cumunità di i cumuni di u Nebbiu è a Conca d’Oru hà lintatu un ochji à u so bugettu primitivu pà u 2024.
À issu ritrovu mancaiani parichji eletti lla maiurità, è mancaia ancu Claudy Olmeta, u prisidenti di l’intercumunalità
Cusì, l’uppusizioni hà pussutu vutà contru à issu bugettu è ùn dà li validazioni, issendu più numarosa.
Di fatti, vol’dì chì oramai u bugettu l’hà da difinì a Camara Righjunali di i Conti.
Vali à dì chì u invistimentu, ch’era dighjà bassu parvia di i pochi risorzi, hà da essa quant’è nienti in u 2024.
L’eletti di a maiurità ani spiicatu ch’idd’ùn sò stati d’issu ritrovu parchì u bugettu hè statu dicisu in cumitatu strintu, da a prisidenza è u so cabinettu. Un andamentu à contrasensu di u dialugu avviatu trà l’eletti d’ugni parti chì sò parichji mesa.
Tandu, issi sustegni di a maiurità ùn ani vulsutu dà validazioni à issi maneri di fà.
Steti à senta à Battì Arena, cunsiglieri cumunitariu, à nomu di a cumuna di Patrimoniu.
L’uppusizioni dumanda, di manera chjara è netta, s’iddu ci hè sempri un capitanu à bordu, à u cumandu d’iss’intercumunalità : Juliette Ponzevera hà indittatu i tanti volti ch’iddu hè mancatu u prisidenti Claudy Olmeta.
Eppuri, ferma à menti iss’idea di pudè travaddà, pà u tempu à vena, cù eletti quant’iddu ni vol’vena.
Steti à senta a cunsiglieri cumunitaria Juliette Ponzevera, à nomu di a cumuna di San’Fiurenzu.
Sur le même sujet
