La commission des finances de l'Assemblée Nationale se déplace en Corse sur fond de processus d'autonomie
Ghjovi è vennari, una diligazioni di a cumissioni lli finanzi di l’assemblea francesa hè in Bastia par lintà un ochji à u mondu ecunomicu è puliticu.
In issa diligazioni sò riprisintati tutti i gruppi di l’assemblea naziunali, è ci si nota ancu a prisenza di Charles de Courson, u diputatu LIOT chì, ùn hè tantu, era uppostu bè à i particularismi fiscali di a Corsica.
A cumissioni di i finanzi hà da andà à u riscontru di a dirizzioni di i dugani è di a camara righjunali di i conti.
À liveddu puliticu, sò l’esecutivu lla Corsica è a Camara di i Tarritorii chì ani da pudè avè scambii incù idda.
È infini, à liveddu ecunomicu, sarani intesi a camara di cumerciu è d’indrustiu è a camara di i mistiera è di l’artisgianatu.
Issa visita hè impurtanti à l’ora ch’iddu s’avvia u prucessu dittu di Beauvau : hà da permetta di dà idei novi à i diputati francesi, ma ancu di fà a prova di u intaressu d’un statutu d’autunumia pà a Corsica.
Cusì a pensa Michel Castellani, u diputatu lla prima circuscrizzioni di a Corsica, membru di a cumissioni di i finanzi di l’assemblea francesa.
Sur le même sujet
