La Collectivité de Corse examine le Plan d’Actions en matière d'élimination des Déchets Ménagers
(A ridazzioni d'Alta Frequenza) - L’assemblea di Corsica hà cumminciatu issu vennari à dà un ochji à un cartulari beddu dilicatu, veni à dì u Pianu d’Azzioni pà u scartu lli rumenzuli casani. U raportu, l’hà prisintatu François Sargentini, ben’ch’idd’achi dumandatu Jean-Martin Mondoloni ch’iddu sichi attimpatu. Difinisci, issu raportu, i punti strategichi d’issu pianu, è i so stesi. Surpresa ùn ci n’hè statu : l’ughjittivu strategicu hè sempri quiddu lla trascelta capunanzi, è a criazioni di centri multifunzioni. Hè dinò privista l’apartura di centri novi d’accuzzera par ciò chì ferma, veni à dì l’ultimi scarti . A trascelta capunanzi, ughjittivu priuritariu, s’arrimbarà à u trattamentu lli bio-scarti, ma ancu à a raccolta porta à porta. Un sforzu particulari sarà fattu pà a raccolta di i matiriali maiori. Altru puntu avvintu da issu raportu, cù a gistioni di i l’ultimi scarti, a spurtazioni di ciò chì ferma di rumenzulu. U prisidenti di l’uffiziu di l’embiu voli avvià una riflissioni pà « i rumenzuli, risorza ecunomica nova » è pà « a maistria publica lla gistioni lli rumenzuli ». Turraremu à parlà d’issu cartulari beddu grevu.
Sur le même sujet
