La CGT et FSU se mobilisent pour les accompagnants d'élèves en situation de handicap, les AESH
Sò parichji mesa chì l’accumpagnanti d’elevi tocchi da infirmità dicini u so pinseri è u so mal’essa, in Cismonti com’è in altrù.
Arimani, a CGT è a FSU ani urganizatu una ghjurnata di greva d’issi parsunala, à liveddu naziunali.
Pochi cunsidarati da i putera publichi, iss’accumpagnanti dinunciani a pricarità di u so statutu è u pighjurà di i cundizioni lla so missioni, postu ch’iddi sò sempri di più, i ziteddi ch’iddi devini piddà in contu.
Issi parsunala, chì par certi ùn ni poni mancu più, dumandani un veru statutu di funzioni publica, una rivalurisazioni o ancu a guaranzia d’un tempu pienu di travaddu.
Steti à senta à Marie-Ange Sauli, di a CGT.
S’erani dunqui accolti davanti à a spizzioni accademica llu Cismonti parichji parsoni, da sustena issi rivindicazioni.
Trà quissi, c’era Elisabeth : u so fiddolu, ch’hè in quinta, si pati a riduzzioni di l’ori chì l’accumpagnanti devini passà incù iddu, chì metti in piriculu a stabilità nicissaria à a so scularisazioni in un mezu classicu.
Steti la à senta.
Sur le même sujet
