La CAPA organise jusqu’au 18 janvier la collecte des sapins de Noël
(A ridazzioni d'Alta Frequenza) - Sè vo’ steti in i circondi aiaccini, è chì vo’ ùn sapeti chì fà di u vosciu arburi di natali, a CAPA urganizighja, dapoi u 27 di dicembri llu 2019, è sinu à u 18 di ghjinnaghju llu 2020, l’accolta di pini è ghjaddichi.
Basta chì vo’ i sponghiti :
- vicinu à u cuntinidori grisgiu, trà 7 ori di sera è 5 ori di mani
- vicinu à u locu abituali lla sposta lli sacca in centru cità, da 5 à 9 ori di mani.
Postu ch’iddi devini turrà suvu, ùn sò accolti chè l’arburi veri, senza nivi artificiali, nè chjoda, nè pedi di cimentu, è ben’intesa senza dicurazioni.
A capichja è u legnu macinatu poni ghjuvà, sparti à nantu à u suminatu, à pruteghja lu da a cutrura è da a svapurazioni di l’acqua. Impidiscini dinò a crescita di l’arbacci, è una tonna di ghjaddichi pò pruducia da 3 à 400 chilò di suvu.
