La CAB veut relancer l'investissement avec des finances assainies
(A redazzioni d'Alta Frequenza) - Frinà par rilanciassi meghju. Eccu ciò ch'ellu hà vulsutu fà soca a Cumunità d'Aggglumerazioni di Bastia. In fatti, François Tatti, u presidenti di a CAB, inghjiratu di i cinqui cumuni è di i so sirvizi, hà prisintatu l'elementi sviluppati ssu marti in dibattitu d'urientazioni bughjettarii in cunsighju cumunitariu. È dopu avè frinatu in u 2015 è 2016 nant'à l'investimentu, a CAB t'hà a brama d'avanzà torna dopu un assanimentu di i so finanzi. U risparmiu naturali hè passatu in fatti da 966 000 auri in u 2014 à 3,67 millioni d'auri in u 2016, è u raportu par escia da u debbitu da 20,7 à 5,1 anni à listessu tempu, tuttu què cù spesi di gistioni chì calani appinuccia. Di fattu, a CAB privedi 34 millioni di spesi d'ecchippamentu nant'à quattru anni, cù 9 millioni à partasi di u 2017 è un scopu ambiziosu di 60% di suvvenziunamentu nant'à ssi prughjetti, tuttu què senza passà pà l'imprestitu nanzi à u 2019.
Steti à senta à François Tatti, u presidenti di a CAB.
Sur le même sujet
