La Banque de France et la CCI de Corse unies autour d'un dispositif analytique pour les entreprises
Ghjovi, a banca di francia è a CCI di Corsica ani ufficializatu una cunvinzioni da prumova u dispusitivu OPALE.
Si tratta d’un dispusitivu analiticu chì hè di rigalu, è chì asisti dipoi u 2017.
Hè prupostu dimatirializatu à i capi d’impresa, chì poni ancu piddà appuntamenti cumplimintarii in visiò.
L’ughjittivu hè d’anticipà i sfidi à vena pà i impresi, è di porghja li una littura glubali di a so situazioni, ancu à liveddu lla cuncurrenza.
I risultata di l’analisi sò validati da a banca di francia, è poni essa prisintati à l’invistidori o à i banchi, da tistimugnà ch’idda hè seria a impresa.
Steti à senta à Hervé Gonsard, u dirittori ginirali di i sirvizia à l’ecunumia è di a reti di a banca di francia.
A CCI di Corsica hà da fà prumuzioni d’issu dispusitivu à liveddu di i impresi.
A nova cundizioni dà cunfirma, à senta ni a CCI, di a facilità è di a ricchezza di i rilazioni ch’idda t’hà in Corsica cù a banca di francia.
Steti à senta à Elisa Martelli, incaricata d’affari à a CCI.